Қарийб бир ярим йилдирки, бутун дунё, мутахассису олимлар "тождор" вирусдан халос бўлиш чораларини кўряпти. Карантин қоидаларига риоя қилиш бу касалликдан сақланишнинг синалган тадбири экани эслатилмоқда. Афсуски хавфли душмандан қутула олмаяпмиз.

Уч ойдан ошдики, мамлакатимиздахавфли хасталикнинг олдини олиш мақсадида вакцина билан эмлаш жараёни бормоқда. Шу кунларда республика бўйлаб "Мен вакцина олдим" акцияси давом этаётир.

Унда Андижон давлат тиббиёт институтининг профессор ўқитувчилари ҳам ибрат кўрсатишмоқда. Институт ректори, профессор Мадаминжон Мадазимов бу акцияда фаол иштирок этиб, "Спутник - В" вакцинаси билан эмланди. Бу унинг ўз саломатлигига эътиборидан далолат.

– Саломатлигимни сақлаш учунвакцина олдим, – дейди Мадаминжон Мадазимов.– Бошқаларни ҳам ўз соғлиғига қайғуришга, эмлаш тадбирларида фаолликка чақираман.

Соғлом ҳаёт кечириш учун сизлар ҳам ушбу акцияда иштирок этинг!

Н.Акбаров.