Кишининг ахлоқи ёмон бўлса, у ҳеч қачон ўзгаларнинг ҳурматига сазовор бўлолмайди. Қолаверса, бундай феъл-атвор оила аъзоларининг руҳиятига ҳам салбий таъсир кўрсатиши бор гап.Хўжаобод туманининг Фақирқишлоғида рўй берган жиноий воқеа ҳам ана шундай иллат-у қусурлармеваси десак, муболаға эмас.

Яъни ўттиз уч ёшли М.Д. кейинги пайтлари саёқ юрадиган, бунга турмуш ўртоғи эътироз билдирса, уни урадиган одат чиқарди.

Кунларнинг бирида М.Д. уйига тун­ги соат ўн иккиларга яқин қайтади. Бу пайтда вояга етмаган қизининг иситмалаб ётгани билан андармон бўлган ёш она турмуш ўртоғига фарзандлари ва ўзига бефарқбўлаётганидан ранжиб, эътирозларини билдира бошлайди. Шунда М.Д. хотинининг гапларидан жаҳли чиқиб, вояга етмаган қизининг ол­дида уятли сўзлар билан ҳақорат килиб, уни қаттиқ калтаклайди. Аёлнинг аҳволи ёмонлашиб, тунни базўр ўтказади. Эрталаб қайнонасини телефон орқали чақириб, ўзини шифокор кўригига олиб боришини сўрайди.

Вазиятни тушунган ва келинига ёрдам беришга шошилган қайнонакелинини Республика шошилинч тез тиббий ёрдам илмий маркази Андижон филиалига олиб боради. Ёш онага етказилган жароҳатлар шифокорларни сергак торттиради. Лекин келин “ўзим йиқилиб тушдим”, дея оилани сақлаб қолишни ўйлайди.

Шифокорлар унинг кўз қовоқлари синганлигини, жарроҳлик амалиётиўтказилмаса бўлмаслигини айтишади. Тиббий текширувлар ҳам шуни тасдиқлайди. Аёл ота-онасининг кўллови билан йигирма олти миллион сўм сарфлаб даволанади.

Воқелик эса қонун қаричи билан ўлчанади. Хусусан, суд дастлабки тергов органи томонидан судланувчи М.Д.нинг жиноий ҳаракатларига оид тақдим килинган материалларни кўриб чиқиб ҳамда суд залида томонларнинг кўрсатмаларини эшитиб, айбланувчи томонидан турмуш ўртоғининг юз қисмига қўли ва оёғи билан бир неча маротаба уриб, дўппослаб, оғир тан жароҳати етказганликдаги ҳаракатларига конун доирасида жазо тайинлашни лозим деб топди.

Шунингдек, жабрланувчи соғлиғини тиклаш учун сарфқилинган харажатларнинг квитанцияларини тақдим қилганлиги ва ундирувни сўраганлигиинобатга олиниб, даволаниш учун кетган 21 миллион сўм маблағ билан бирга, етказилган маънавий зарар учун 10 миллион сўмундириш хусусидаги тўхтамга келинди.

Суд жиноят учун жазо тайинлашда қонунийлик, инсонпарварлик, одиллик ва жавобгарликнинг муқаррарлиги принципларига амал қилади. Бироқ масаланинг бошқа жиҳати бор: бешафқат ота қилмиши учун озодликдан маҳрум этилган бўлса-да, унинг қилмиши аёлининг, фарзандларининг қалбларидан умрбод чиқмаслиги оғриқли ҳолдир.

Аҳмаджон Назирбеков,

жиноят ишлари бўйича Хўжаобод тумани судининг судьяси