Прагадаги Вацлав майдонига бир неча минг киши энергия ва озиқ-овқат нархлари ошишига қарши норозилик намойишига чиқди. Митинг Чехия касаба уюшмалари конфедерацияси (CMKOS) томонидан ҳукуматдан ёрдам сўраб, «Қашшоқликка қарши» шиори остида ўтказилгани айтилмоқда.

Унинг раиси Йозеф Стредуланинг сўзларига кўра, «биз қиладиган ишимиз йўқлиги учун эмас, балки келажагимиздан қўрқаётганимиз учун келдик». Намойишчилар ҳозирда ойига 644 евро бўлган энг кам иш ҳақини ошириш, шунингдек, кундалик товарлар нархини давлат томонидан тартибга солишни талаб қилишган.