Етти иқлим

101 ЁШЛИ ҚАРИЯ КОНЦЛАГЕРДА СОҚЧИЛИК ҚИЛГАНЛИКДА АЙБЛАНИБ БЕШ ЙИЛГА ҚАМАЛДИ


29.06.2022   229

Германиянинг Нойруппин шаҳри суди Заксенхаузен концентрацион лагерининг 101 ёшли собиқ соқчисини беш йилга озодликдан маҳрум этиш тўғрисида ҳукм чиқарди.

У лагердаги минглаб маҳбусларнинг ўлимига алоқадорликда айбланди.

Суд жараёни тўққиз ой давом этди. Айбланувчи ҳеч қачон Заксенхаузенда хизмат қилмагани, айблов хулосасида кўрсатилган вақтда эса Мекленбургдаги фермада ишлаганини айтди ва айбини тан олмади.

Аммо прокуратура унинг айбини исботловчи тегишли ҳужжатларни тақдим этди.

Заксенхаузендаги концентрацион лагерда Иккинчи жаҳон уруши тугагунига қадар 200 мингдан ортиқ маҳбус сақланган. Ўн минглаб маҳбуслар очлик, касаллик, мажбурий меҳнат, тиббий тажрибалар оқибатида вафот этган.