Умумий декларация топшириш жараёни қоидаларига кўра, қозоғистонликлар уйида ойлик ҳисоб-китоб кўрсаткичининг (ОҲК) 10 минг бараваридан ортган маблағни банк ҳисобварақларида сақлаши шарт.

2023 йил 1 январдан Қозоғистонда умумий декларация топшириш жараёнининг иккинчи босқичи бошланади.

Унинг доирасида давлат ва квази-давлат сектори ходимлари, уларнинг турмуш ўртоғи биринчи марта мол-мулк ва мажбуриятлар тўғрисидаги декларацияни топширади.

«Декларацияда Қозоғистондан ташқаридаги мол-мулк ва активлар, юридик шахсларнинг устав капиталидаги улуш, инвестиция олтини, қимматли қоғозлар ва бошқалар акс эттирилади.