Ўзбекистон Республикаси референдумини ўтказувчи 2-Андижон округи ҳудудида умумий овоз берувчилар сони 1 миллион 702 минг 902 нафарни ташкил этмоқда.

Референдум куни маълум сабабларга кўра ўз яшаш жойида бўлмаган фуқароларнинг 20 минг 893 нафари муддатидан олдин овоз бердилар.

Бугун 39 минг 266 нафар ёшларнинг 1-маротаба овоз бериши кутилмоқда. Уларнинг 19 минг 786 нафари бу йил референдум кунига қадар18 ёшга тўлган йигит-қизлардир.

7 минг 939 нафар имконияти чекланган овоз берувчилар учун ҳам етарли шароитлар яратилди.

2-Андижон референдум округи Матбуот маркази.