Ўт ўчирувчилар ва ҳарбий хизматчилар бир неча кундирки ёнғинларни ўчиришга ҳаракат қилмоқда. Грецияда 15 августга қадар аномал иссиқ ҳаво ҳарорати кутилмоқда

Афина шимоли-шарқида Грециядаги ғайритабиий иссиқлик ва қурғоқчилик туфайли катта ўрмон ёнғинига қарши кураш давом этмоқда. Ёнғин 11 август куни тушдан кейин Греция пойтахтидан 35 километр узоқликда бошланган, бироқ кучли шамол туфайли тезда назоратдан чиқиб кетган ва бир сутка ичида Афинанинг шимолий чеккаларига етиб келган.

Маълумотларга кўра, ёнғинни ўчиришда ўт ўчирувчилар ва шифокорлардан ташқари 100 га яқин ҳарбий хизматчилар иштирок этмоқда. Ўндан ортиқ туманлар, жумладан, тарихий Марафон шаҳри ва Афинанинг бир қанча чекка ҳудудларида эвакуация тўғрисида буйруқ чиқарилди. Ёнғин содир бўлган ҳудуддан юзлаб фуқаролар эвакуация қилинган.