Қўшма Штатлар 2021 йилга нисбатан Европага газ етказиб беришни сезиларли даражада оширди.

АҚШ июнь ойида тарихда биринчи марта Европа Иттифоқига Россиядан келадиган қувур газидан кўпроқ суюлтирилган газ етказиб берди. Бу ҳақда Халқаро энергетика агентлиги (IEA) раҳбари Фотиҳ Бирол маълум қилди.

Бирол Европа Иттифоқи давлатларини талабни камайтириш устида ишлашга ва оғир қишга тайёрланишга чақирди.

Июнь ойида «Газпром» санкциялар доирасидаги хорижий ускуналарни таъмирлаш билан боғлиқ муаммолар туфайли «Шимолий оқим» орқали ўтказилаётган газ ҳажмини 40 фоизга камайтирди.

Қўшма Штатлар эса 2021 йилга нисбатан Европага газ етказиб беришни сезиларли даражада оширди.

Bloomberg маълумотларига кўра, январь-апрель ойларида АҚШ 2021 йилга қараганда кўпроқ суюлтирилган етказиб берган.

Россия, ЕИ ва газ

Аввалроқ Исроил Европа Иттифоқи давлатларига табиий газ экспорт қилиш бўйича келишувни имзолаганди.

Шунингдек, Буюк Британия газ танқислигига дуч келса, мамлакат континентал Европага энергия етказиб беришни бутунлай тўхтатишга киришиши мумкинлиги хабар қилинди.

Россия нефтига қисман эмбаргони ўз ичига олган санкцияларнинг олтинчи пакети қабул қилинганидан сўнг Европа Иттифоқи Россиядан газ импортини тақиқлашни ўз ичига олиши мумкин бўлган еттинчи санкциялар пакети устида иш бошлади.

Бироқ энергетика бўйича Россияга энг тобе бўлган давлатлар бунга қарши чиқмоқда, баъзи Европа давлатлари эса Россиядан тўғридан-тўғри газ олишни аллақачон тўхтатган.

Масалан, аввалроқ Польша, Нидерландия, Дания, Болгария ва Финляндия янги схема бўйича Россия гази учун рублда пул тўлашдан бош тортган эди.