Ўзбекистон Республикасига коронавируснинг кириб келиши ва тарқалишининг олдини олиш борасидаги чора-тадбирлар дастурини тайёрлаш бўйича Республика махсус комиссиясининг 2022 йил 11 январь кунги 92, 96 ва 99-сонли йиғилиш баёнларида Республика ҳудудига кириб келаётган фуқаролардан коронавирус инфекцияси учун экспресс-тест олиш тизими йўлга қўйилиши ва божхона органлари мазкур жараёнларни шаффоф бўлишини назорат қилувчи орган сифатида белгиланган. Юқоридагиларгаасосан Андижон вилояти божхона бошқармаси томонидан Давлат санитария-эпидемиология тизими ходимлари билан ҳуқуқий шартнома асосида иш ташкил этилган.

Амалдаги тартибларга мувофиқ, чегара ўтказиш пунктлари орқали Ўзбекистон Республикасига кириб келаётган фуқароларда муқаддам Давлат поликлиникаларида коронавирус инфекциясига қарши “эмланган”лигини тасдиқловчи сертификати (электрон QR code) мавжуд бўлса ушбу фуқаролар тест топширмасдан, сертификати бўлмаган талабалар 50 % миқдорда, I ва II гурух ногиронлиги бўлган шахслар бепул тарзда тестдан ўтказилмоқда. Шунингдек, 12 ёшга тўлмаган болалардан тест олинмасдан божхона чегараси орқали харакатланишларига руҳсат берилмоқда.

Аввалги тартибларга кўра экспресс-тест топшириш учун тўлов миқдори ўртача 130 000 – 170 000 сўм бўлган бўлса, жорий йилнинг январь ойидан божхона органлари саъи ҳаракатлари натижасида юқоридаги тўлов миқдори (5 АҚШ доллари) эквиваленти миқдорида 54 000 сўмга камайтирилган.

Фуқароларни ижтимоий жихатдан қўллаб-қувватлаш ҳамда ўз вақтида даволанишларини таъминлаш мақсадида, экспресс-антиген тест натижаси мусбат бўлган (яъни касалланган) шахсларга коронавирус инфекциясига қарши қўлланиладиган барча зарур дори воситаларини ўз ичига олган “COVID-19” қутилари мутлақо бепул тақдим этиб келинмоқда.

2022 йил 18 май куни Хўжаобод туманида кузатилган кучли ёғингарчилик натижасида (кучли ёмғир "дол"га айланган) соат 15.00 дан бошлаб, "Дўстлик" чегара-божхона постидаги оптик толали алоқа тармоғи фаолиятида узилишлар кузатилди.

Бу эса фуқароларнинг кириш-чиқишларини қайд этишга хизмат қилувчи ахборот тизимлари фаолиятининг тўхтаб қолишига олиб келди ва йўловчиларнинг тирбандлиги юзага келди.

Ҳозирда техник носозликлар бартараф этилиб, айни дақиқаларда чегара-божхона постида йўловчиларнинг ҳаракати қайта тикланди.

Оптик толали алоқа тармоғи фаолиятини тўлақонли тиклаш учун "Uztelecom" комапаниясининг ҳудудий мутахассислари жалб этилган.

Давлат божхона қўмитаси Андижон вилояти божхона бошқармаси божхона органлари фаолиятига доир холис ва ҳаққоний хабарларни эълон қилишда оммавий ахборот воситалари, кенг жамоатчилик вакиллари билан ўзаро ҳамкорликка доимо тайёр эканлигини маълум қилади.