Бош прокуратура ташаббуси билан Ёқилғи-энергетика ресурсларидан фойдаланиш устидан давлат назоратини самарали ташкил этиш ва мувофиқлаштириш бўйича Республика штаби томонидан соҳа малакали мутахассислари ҳамда профессор ўқитувчиларини жалб этган ҳолда Андижон вилояти ҳудудий штаби ва туман (шаҳар) штаблари аъзолари учун "Ёқилғи-энергетика соҳасида давлат назоратини такомиллаштириш масалалари" мавзусида сайёр семинар машғулоти ташкил этилди.

Семинарда соҳанинг малакали мутахассислари ҳамда профессор ўқитувчилар томонидан вилоят ва туман (шаҳар) штаблари ишни тўғри ташкил этиш, фаолиятини мувофиқлаштириб бориш, энергия ресусрларини иқтисод қилиш, технология йўқотишларини олдини олиш, энергия ресурсларини талон-тарож қилиш ҳолатларини фош этиш ва бошқа долзарб мавзулар юзасидан ўқув машғулотлари ўтказилди.

Шунингдек, иштирокчиларга Президентнинг 01.04.2025 йилдаги “Ёқилғи-энергия ресурсларидан ноқонуний фойдаланиш ва беҳуда сарфланишининг олдини олиш ҳамда энергия самарадорлигини ошириш бўйича чора-тадбирларни такомиллаштириш тўғрисида”ги ПҚ-133-сон қарорига асосан энергия самарадорлигини ошириш бўйича туман-шаҳар идоралараро ишчи гуруҳларининг вазифалари,энергия балансини ишлаб чиқиш, кўрсаткичларини бажариш, энергияни тежаш дастурлари ижросини таъминлаш, энергия самарадорлигини ошириш борасидаги фаолиятни ташкил этиш механизмлари тушунтирилди.

“Ҳудудгаз Андижон” газ таъминоти филиали матбуот хизмати