Apple Ҳиндистонда iPhone 13 ишлаб чиқаришни бошлади. Бу АҚШ технология гиганти Хитойдаги таъминот занжирига боғлиқлигини камайтиришга ҳаракат қилаётган пайтда содир бўлмоқда.

«Reuters»нинг хабарларига кўра, iPhone 13 Тайваннинг пудратчи Apple Foxconn компаниясининг Сриперумбудур, Тамилнаду шаҳрида жойлашган Ҳиндистон заводида ишлаб чиқарилган.

Apple iPhone ишлаб чиқаришнинг айрим ҳудудларини Хитойдан бошқа бозорларга, жумладан, дунёдаги иккинчи йирик смартфон бозори бўлган Ҳиндистонга кўчирмоқда. Компания iPad’lларни Ҳиндистонда йиғишни ҳам режалаштирган.

Маълумот учун, iPhone 13 2017 йилда Apple мамлакатда iPhone SE’ни ишлаб чиқаришни бошлаганидан кейин Ҳиндистонда ишлаб чиқарилган тўртинчи моделдир.

Apple компаниясининг 2022 молиявий йилининг биринчи чорагидаги даромади 2021 йилнинг мос даврига нисбатан 11 фоизга ўсди. Компания рекорд даражадаги 123,9 миллиард доллар даромад қилди.