Инсон фарзанди учун яшайди, дилбандларига умрини бахшида этади. Бутундунё мамлакатлари каби “1-июн – Халқаро болаларни ҳимоя қилиш куни” бизни юртимизда ҳам кенг нишонланиб келмоқда. Бизнинг болажон халқимиз ҳам бу байрамни зўр шодиёна билан кутиб олади, боғларда болалар учун байрам ва концертлар уюштирилади.

“Ҳудудгаз Андижон” газ таъминоти филиали ходимларининг фарзандлари учун байрам муносабати билан вилоят болалар қўғирчоқ театрида “Қувноқ олмахонлар” спектакли намойиш этилди. Эртакнамо саргузаштларга бой ушбу спектаклда соҳа ходимларининг дилбандалари маданий ҳордиқ чиқариб, ўзгача тассуротга эга бўлдилар.

“Ҳалқаро болаларни ҳимоя қилиш куни” байрамининг мақсади кенг жамоатчилик диққатини болаларнинг юзида табассумни кўриш, уларнинг бахти-иқболи, уларнинг ҳуқуқларини ҳимоя қилишга, бахтли болаликка эга бўлишларига ва ўз мамлакатининг тўла-тўкис ва хотиржам фуқароси бўлиб ўсишларига қаратишдир, - дейди Филиал бошланғич касаба уюшма қўмитаси раиси Гулчеҳрахон Маматхўжаева. – Ҳар йили ишчи-ходимларимизнинг, кам таъминланган оила фарзандлари ҳамда соҳада хизмат кўрсатган фахрийларимизнинг набираларини мана шундай байрамга чорлаймиз. Мана бу йил ҳам 300 дан ортиқ болажонларни мазкур спектаклга таклиф этганмиз...”

Спектаклдан сўнг болажонлар ва уларнинг ота-оналари иштирокида "Китоб - билим манбаи" шиори остида китоблар ярмаркаси бўлди. Унда болажонларга қизиқарли, бадиий китоблар совға қилинди. Китоб билан бирга билим ўчоғи улашилди. Ташкил этилган байрам тадбири нафақат болажонларга, балки уларнинг ота-оналарига ҳам қувонч улашди.

"Ҳудудгаз Андижон" газ таъминоти филиали матбуот хизмати