Рамзан Қодиров генерал-полковник ҳарбий даражасини олганини маълум қилди. Қодировнинг сўзларига кўра, янги ҳарбий даража олганини унга Россия президенти Путин айтган ва табриклаган.

«Сизлар билан яна бир ёқимли янгиликни бўлишишни истайман. Россия президенти менга генерал-полковник мақомини берди. 709-рақамли фармон чиқди. Владимир Владимирович менга бу ҳақда шахсан ўзи айтди ва табриклади. Мен Олий Қўмондонимиздан хизматларимни юқори баҳолагани учун чексиз миннатдорман! Бу мен учун улкан шараф. Сўз бераман, ишончни оқлайман», деб ёзган у телеграм-каналида.