Европа кучли иссиқ туфайли бошланган ўрмон ёнғинлари тўлқини ичида қолди. Португалия, Испания, Греция ва Франциянинг жануби-ғарбида минглаб қутқарувчилар шиддатли оловга қарши туришга уринмоқда. Минглаб кишилар эвакуация қилинган, юзлаб кишилар жазирама оқибатида ҳалок бўлган.

Ўт ўчирувчилар ишини кўплаб ёнғин ўчоқларида ҳарорат Цельсий бўйича 40 даражадан ошгани мураккаблаштирмоқда, янги ҳафта бошида ҳарорат янада кўтарилиши кутилмоқда.

Европа ва қўшни минтақаларда қиш жуда қуруқ келиб, ёзги ҳарорат жуда юқори бўлиши ёнғин кенг тарқалиши учун идеал шароит ҳосил қилган. Натижада июл ойида Франция, Испания, Италия, Хорватия, Греция, Туркия ва Марокашнинг ўрмонли ҳудудларини кучли ёнғинлар ўз домига олди.

Маҳаллий расмийларнинг маълум қилишича, Португалия ва Испанияда 600 нафар атрофидаги киши иссиқ ва тутун туфайли соғлигида муаммолар юзага келиши оқибатида вафот этган.