Учрашувда “Ҳудудгаз Андижон” газ таъминоти филиалининг бош муҳандиси Хуршидбек Қодиров йиғилганлар билан табиий газ тармоғига уланиш тартиблари, уларни тайёрлашдаги тегишли тартибдаги амалга ошириладиган ишлар ва ҳужжатларни тартиблаш борасида тушунчалар берди.

Мисол учун, юридик шахслар газ тармоғига уланиш учун дастлаб Вазирлар Маҳкамасининг 2018-йил 31-мартдаги “Муҳандислик-коммуникация тармоқларига уланиш бўйича давлат хизматлари кўрсатишнинг маъмурий регламентларини тасдиқлаш тўғрисида”ги 256-сон қарорига асосан, Давлат хизматлари агентлигига ариза билан мурожаат қилади ва газлаштириш учун техник шарт олиши ҳақида яна бир эслатиб ўтди.Олинган техник шартга мувофиқ, лойиҳалаш ташкилотлари (ёки газ таъминоти ташкилоти) томонидан газ лойиҳаси тайёрланади. Тайёрланган лойиҳага асосан, махсус рухсатномага эга бўлган қурилиш (пудрат) ташкилоти (ёки газ таъминоти ташкилоти) томонидан юридик шахснинг бино-иншоотида қурилиш-монтаж ишлари бажарилади.

Қурилган газ тармоқлари қурилиш ташкилоти (газ таъминоти ташкилоти) томонидан босимга ва зичликка синовдан ўтказилганидан кейин, газ таъминоти ташкилоти ва юридик шахс ўртасида “Табиий газни етказиб бериш ва қабул қилиш тўғрисида”ги шартнома тузилган ҳолда “Табиий газдан фойдаланиш қоидалари” ва ўзаро тузилган шартнома шартлари асосида газ таъминотига улаб берилади.

Суҳбатлар жараёнида лойиҳаларнинг мукаммал бўлишлиги, қурилиш-монтаж ишларини юқори сифатда бажариш кераклиги алоҳида таъкидланди. Чунки, тармоқда юзага келган авария ҳолатлар ёки газ сизиб чиқишлар натижасида чақнаш ёки бошқа нохуш ҳолатларга сабаб бўлиши мумкинлиги ҳақида маълумотлар берилди.

“Ҳудудгаз Андижон” газ таъминоти филиали матбуот хизмати