Балиқчи туман адлия бўлимига 2024-йил 22-август санасида фуқаро Б.Ш.Билтиров иш фаолияти жараёнида шикастланиб, унга нисбатан 2- гуруҳ нориронлиги белгиланиб, ногиронлиги бўлган шахсларга етказилган зиён тўланмай келинаётганлиги ва унинг ҳақ-хуқуқлари бузилганлиги ҳақида ариза билан мурожаат қилган эди.

Балиқчи туман адлия бўлими томонидан олиб борилган ўрганишлар натижасида фуқаро Б.Ш.Билтиров 2015 йил 12 октябр куни Балиқчи туман 21 мактабгача таълим ташкилотининг сабзовотлар сақлаш учун ертўла устидаги бостирма (навес)дан йиқилиб меҳнат тўғрисидаги қонунчилик, меҳнатнимуҳофаза қилиш қоидалари ва меъёрларига риоя қилинмаслиги натижасида меҳнатдан шикастланган ҳамда ҳолат юзасидан Н-1 далолатномаси тузилган, фуқаро Б.Ш.Билтировга 2 -гуруҳ ногиронлиги белгиланиб, касбий меҳнат қобилиятини йўқотиш даражаси 60-70 фоизларда белгиланиб келинганлиги аниқланди.

Ўзбекистон Республикаси меҳнат кодексининг 324-моддасида “ Ходимнинг соғлигига зиён етказилганлиги муносабати билан йўқотилган иш ҳақининг ўрнини қоплаш учун амалга ошириладиган ойлик тўловлар миқдори жабрланувчи меҳнатда майиб бўлгунига қадар олган ўртача ойлик иш ҳақига нисбатан унинг касбий меҳнат қобилиятининг йўқотилиши даражасига мувофиқ бўлган фоизли нисбатда белгиланади.

Касбий меҳнат қобилиятини йўқотиш даражаси тиббий-ижтимоий эксперт комиссияси томонидан белгиланади.

Зиённинг ўрнини қоплашга оид тўловни тайинлашда жабрланувчи оладиган иш ҳақи, стипендия, пенсия ва бошқа даромадлар ҳисобга олинмайди. Бунда меҳнатда майиб бўлган жабрланганларга — ногиронлиги бўлган шахсларга етказилган зиённинг ўрнини қоплаш суммаси қонунчиликда белгиланган меҳнатга ҳақ тўлаш энг кам миқдорининг эллик фоизидан кам бўлмаслиги керак.” деб белгиланган.

Бироқ фуқаро Б.Ш. Билтировга 2017 йил июл ойидан ўрганиш даврига қадар жами 19.135.247 (ўн тўққиз миллион бир юз ўттиз беш минг икки юз қириқ етти) мингсўм ойлик тўловлар кам тўланганлиги аниқланди.

Балиқчи туман адлия бўлими томонидан 21 мактабгача таълим ташкилотига киритилган ТАҚДИМНОМА га асосан, фуқаро Б.Ш. Билтировга 2017 йил июл ойидан ўрганиш даврига қадарли жами бўлиб 19.135.247 (ўн тўққиз миллион бир юз ўттиз беш минг икки юз қириқ етти) мингсўм ойлик тўловлар ундириб берилди.

С. МИРЗАҚУЛОВ,

Балиқчи тумани юридик хизмат кўрсатиш маркази бошлиғи.