Мана шу ғоя асосида Избоскан туманида мавжуд барча тоифа хўжаликларида боғ-токларни хатловдан ўтказиш, кузги-қишки агротехника тадбирларни амалга ошириш ишларига киришилди. Миришкорлар боғ ва ток қатор ораларидан самарали фойдаланиш, тўқсонбости усилида ва эрта баҳорда қишлоқ хўжалиги экинларини экиш ҳамда нарх-навони барқарор сақлашда етиштирилган маҳсулотларни ички бозорга чиқариш, экспортга йўналтириш ишларини ҳам пухта режалаб олишган.

Жумладан, тўқсонбости усулида кузги экинларни экиш ишлари жадаллик билан олиб борилмоқда. 506 гектар боғдорчилик фермер хўжалиги қатор ораларининг 106 гектарига пиёз, 54 гектарига саримсоқ пиёз, 21 гектарига сабзи, 35 гектарига лавлаги, қолган қисмига кўкатлар, карам ҳамда бошқа турдаги экинлар экилиши кўзда тутилган.

Шу билан бирга, фермер хўжаликлари ток қатор ораларининг кўкатлар ва бошқа турдаги экинлар экиляпти.

Эл дастурхонини қишин-ёзин сарҳил кўкатлару сабзавотлар билан таъминлашга астойдил бел боғлаган деҳқонлар шу йилнинг 10 ноябрига қадар боғ-ток қатор ораларига экин экиш ишларини тўлиқ якунлашни ният қилганлар.