Етти иқлим

ҚИРҒИЗ ТИЛИНИ БИЛМАЙДИГАНЛАР ДАВЛАТ ХИЗМАТИДА ИШЛАЙ ОЛМАЙДИ


02.06.2023   151

Қирғизистон парламенти – Жўқорғу Кенеш давлат тилига доир конституциявий қонун лойиҳасини учинчи ўқишда қабул қилди. Ҳужжат Вазирлар Маҳкамаси раиси ташаббуси билан ишлаб чиқилган.

Қонун лойиҳаси давлат тили сиёсатини юритиш бўйича ҳуқуқий асосларни мустаҳкамлашга йўналтирилган.

Унга кўра, расмий ҳужжатлар ва меъёрий-ҳуқуқий актларнинг давлат тилидаги варианти оригинал деб ҳисобланади.

Қирғиз тилини ўрта (B1) даражада билмайдиган фуқаролар давлат ва маҳаллий бошқарув тизимида ишлаши мумкин эмас.

Янги қонунга биноан, телерадиокомпаниялар ўз ижодий маҳсулотларининг ярмидан кўпини қирғиз тилида тайёрлаши керак. Веб-сайтларнинг қирғиз тилидаги версиясида бошқа тиллардаги версиялардан кам ахборот жойлаштирилиши ҳам мумкин эмас.