Markaziy bank pul o‘tkazish tartibini yanada soddalashtiryapti. Yaqin orada fuqarolar pul yuborishda oluvchining telefon raqami orqali o‘tkazmani amalga oshirishi mumkin bo‘ladi.

Buning uchun bank hisobvarag‘i va telefon raqami oldindan bir-biriga bog‘langan bo‘lishi kerak.

✅ Yangi tartibda jarayon quyidagicha boʻladi:
➖ Pul o‘tkazmalari Tezkor to‘lovlar tizimi orqali amalga oshiriladi;
➖ Telefon raqami bank mobil ilovasi orqali hisobvaraqqa bog‘lanadi;
➖ Bir bankda bitta raqam faqat bitta hisobvaraqqa biriktiriladi;
➖ Oʻtkazmani tasdiqlashdan oldin oluvchining F.I.O., banki va komissiya miqdori ko‘rsatiladi;
➖ Mobil ilova orqali o‘tkazmalar 24/7 rejimida, real vaqtda amalga oshiriladi.

???? Yangi tartib qaror rasmiy e’lon qilinganidan 3 oy o‘tgach kuchga kiradi.