ФИФА томонидан 2021 йилнинг энг яхшиларини аниқлаш маросимида

«Бавария» ҳужумчиси Роберт Левандовски сўровнома натижаларига кўра, йилнинг энг яхши футболчиси номига лойиқ кўрилди. Польшалик футболчи 2020/21 йилги мавсумда Бундеслига бош соврини ва Германия Суперкубогини қўлга киритди. У 2021 йилда барча мусобақалар доирасида 69 та гол урди ва бу борада энг яхши натижага эришди. Мазкур соврин учун, шунингдек, «ПСЖ» ҳужумчиси Лионель Месси ва «Ливерпуль» форварди Муҳаммад Салоҳ даъвогарлик қилганди.

Қайд этиш керак, 2020 йилда ҳам ушбу совринга Левандовски эга чиққан.
Шунингдек, ФИФА бошқа номинациялар бўйича ҳам ғолибларни эълон қилди.

Йилнинг энг яхши мураббийи — Томас Тухель («Челси»);
Йилнинг энг яхши дарвозабони — Эдуар Менди («Челси»);
Йилнинг энг яхши аёл футболчиси — Алексия Путеляс (Испания, «Барселона»);
Йилнинг энг чиройли голи — Эрик Ламеланинг рабона услубида «Арсенал»га (1:2) дарвозасига урган голи.
Fair play соврини — Дания терма жамоаси футболчилари ва шифокорлари (улар Евро—2020 вақтида Кристиан Эрксеннинг ҳаётини сақлаб қолди).

ФИФА йил якунлари бўйича рамзий терма жамоани ҳам тақдим этди. Таркиб 3-3-4 кўринишида тузилган.

Дарвозабон: Жанлуижи Доннарума (Италия, «Милан» / «ПСЖ»);
Ҳимоячилар: Леонардо Бонуччи (Италия, «Ювентус»), Рубен Диаш (Португалия, «Манчестер Сити»), Давид Алаба (Австрия, «Бавария» / «Реал»);
Ярим ҳимоячилар: Жоржиньо (Италия, «Челси»), Нголо Канте (Франция, «Челси»), Кевин де Брюйне (Бельгия, «Манчестер Сити»);
Ҳужумчилар: Криштиану Роналду (Португалия, «Ювентус», «Манчестер Юнайтед»), Эрлинг Ҳоланд (Норвегия, «Боруссия Д»), Роберт Левандовски (Польша, «Бавария»), Лионель Месси (Аргентина, «Барселона» / «ПСЖ»).