Қайта тикланадиган энергиядан фойдаланиш бутун дунё бўйлаб ривожланиб бораётган бир пайтда, Япония шамол ёки қуёшга таянмасдан, деярли чексиз энергия оқимини таъминлайдиган тизимни синовдан ўтказди.

Япониялик олимлар томонидан ишлаб чиқилган тизимда океан тубига турбина ўрнатилади. Денгиз тубида тезлиги ва йўналиши жуда кам ўзгарадиган барқарор оқимлар бор. Турбина улардан электр энергияси ишлаб чиқаради.

«Кайрю» турбинаси Япониянинг оғир машинасозлик соҳаси вакили IHI корпорацияси томонидан қурилган. Уни синаш ва ишлаб чиқариш учун 10 йил вақт сарфланган. 2022 йилнинг феврал ойида IHI Япониянинг жануби-ғарбий акваториясида уч ярим йиллик синовларни муваффақиятли якунлади.

Компания ҳисоб-китобига кўра, океан оқимидан олинадиган энергиянинг ҳар бир киловатт-соати учун тахминан 20 иена (8 доллардан сал кўпроқ) сарфланади.