Бугун Андижон вилояти Солиқ бошқармаси томонидан солиқ қонунчилигига киритилган янги ўзгартиришлар юзасидан тадбиркорлар учун семинар ташкил этилдан.

Унда бошқарма мутахассислари ушбу ўзгаришлар тадбиркорлар манфаатларидан келиб чиқилган ислоҳот эканига эътибор қаратдилар. Масалан, қонунчиликнинг янги шаклларига кўра, камерал солиқ текширувларида инспекторларнинг айрим ваколатлари қисқартирилаётгани ишбилармонларнинг янада эркин фаолият юритишини таъминлайди.

Жорий йил 1 январдан бошлаб алкоголь ва тамаки маҳсулотлари импорти учун ставка 5 фоизга пасайтирилгани билан таништирилди. Авваллари даромади 5 миллард сўмгача бўлган тадбиркорлар ҳар ойда бўнак тўловини амалга ошириши керак бўлган. Эндиликда фойда солиғи бўйича ушбу тўлов мажбурияти тадбиркорлик субъектларининг даромади 10 миллиард сўмдан ошгантақдирдагинаталаб этилиши ҳамда бошқа қатор янгиликлар ҳақида атрофлича маълумотлар келтирилди.

Шунингдек, тадбиркорларнинг мол-мулки, сув солиғи учун ўрнатилган тартибларга оид қизиқтирган саволларига атрофлича жавоблар қайтарилди. Соҳада муаммога дуч келаётган ишбилармонларнинг муаммоси тингланиб, аксарияти жойида ҳал этилган бўлса, қолганлари қатъий назоратга олинди.

Жорий йилнинг 1 апрелидан айрим маҳсулотларга қўлланган ҚҚС имтиёзи бекор қилинмоқда. Бунинг ўрнига «Ижтимоий ҳимоя ягона реестри»га киритилган аҳолига харид чеки учун 12 фоизли кешбек сифатида қайтариб берилаётган маҳсулотлар рўйҳати кенгайтирилаётгани солиқ истоҳотида ижтимоий адолатни таъминлашни назарда тутмоқда.

Солиқ қонунчилигидаги ўзгаришлардан жисмоний шахслар учун манфаатли имтиёзлар ҳам ўрин олган. Мисол учун, аввал ота-оналар маошидан фарзандининг контракти учун йўналтириладиган маблағга нисбатан қўлланиладиган имтиёз талабанинг ёш чегарисига боғлиқ бўлган. Тадбиркорлар бевосита иш берувчи саналгани учун ҳам эндиликда, мазкур имтиёз берилишидаёш чегараси олиб ташланганидан хабардор қилинди. 250 нафардан ортиқ тадбиркор иштирок этганучрашув конструктив, очиқ руҳда, савоб-жавобларга бой тарзда кечди.