Андижон шаҳрининг Ю.Отабеков кўчасида қад ростлаётган 4000 ўринли, барча қулайликларга эга замонавий универсал спорт мажмуасининг қурилиши кун сайин қизғин тус олмоқда. Умумий майдони 6,3 гектардан иборат мажмуа, лойиҳага кўра, жорий йил якунигача қуриб битказилиши кўзда тутилган.

–

Ҳозирда юз нафарга яқин қурувчи-монтажчи шу мақсадда астойдил ҳаракат қилишмоқда,– дейди пудрат ташкилоти -"Хон" масъулияти чекланган жамияти директори Вера Конькова. – Бунёдкорларимизнинг унумли меҳнат қилишлари учун барча шарт-шароитлар яратиб берилган. Ишонамизки, иншоотни ўз вақтида ва сифатли қилиб эгаларига топширамиз.

Суратларда: ўз ишининг усталаридан бири – электрпайвандчи Улуғбек Ҳошимов; Абдураҳмон Эркинов, Достонбек Абдураимов, Илҳомжон Асқаровларнинг меҳнати билан мажмуа тобора чирой очяпти; қурилиш поёнига етгач, янги спорт иншооти шундай кўринишга эга бўлади.

Хурсандбек АРАББОЕВ,

олган суратлар.