ЎЗБЕКИСТОНГА ЭЛЕКТРОМОБИЛ ИМПОРТИ 4,5 БАРОБАРГА ОШДИ
18.07.2022 258
Электромобил импорти 4,5 баробарга ошди. Бу ҳақда Давлат статистика қўмитаси маълумот берди.
Қўмита хабарига кўра, 2022 йилнинг январь-июнь ойларида Ўзбекистон 10 та хорижий давлатдан қиймати 34,1 млн АҚШ долларига тенг бўлган 1 125 та электромобил импорт қилган.
Қайд этилишича, электромобил импорти 2021 йилнинг мос даврига нисбатан 875 тага ёки 4,5 баробарга ошган.
Ўтган 6 ой ичида Ўзбекистон энг кўп электромобилни Хитой (983 та) ва БАА (73 та)дан харид қилгани маълум бўлди.