АНДИЖОНЛИК ЁШЛАР ВИЛОЯТ МАРКАЗИГА ЖАМ БЎЛДИЛАР. ФЕСТИВАЛНИ АНДИЖОН ВИЛОЯТ ҲОКИМИ ШУҲРАТБЕК АБДУРАҲМОНОВ КИРИШ СЎЗИ БИЛАН ОЧИБ БЕРДИ

Андижон вилоят марказида жойлашган “А.Навоий” маданият ва истироҳат боғи атрофи бугун ҳар қачонгидан ёшлар билан гавжум. Байрамона безаклар, ёшликни мадҳ этувчи баннерлар фестиваль файзу тароватини акс эттирмоқда.

Шижоатли ва истеъдодли ёшларни ягона мақсад сари бирлаштирган фестивалнинг якуний босқичи бошланди.

Бугун мамлакатимизда келажак ворисларига кўрсатилаётган эътибор ва ғамхўрлик эртанги ёруғ куннинг мустаҳкам пойдевори эканлигини айтиб, андижонлик ёшларни байрам билан самимий қутлади. Андижоннинг ҳар бир йигит-қизи ўз фарзандидек азизлигини фахр билан тилга олди. Энг яхши сармоя фарзандлар учун қилинган сармоя эканлигини қайд этиб, бу борада вилоят ёшлари учун барча имкониятларни сафарбар этишини алоҳида таъкидлади.

"Andijonnoma.uz" online гуруҳи.