Андижонда

ЗАҲИРИДДИН МУҲАММАД БОБУР НОМИДАГИ АНДИЖОН ДАВЛАТ УНИВЕРСИТЕТИ КАФЕДРАЛАРИ БЎЙИЧА ҚУЙИДАГИ БЎШ ИШ ЎРИНЛАРГА ТАНЛОВ ЭЪЛОН ҚИЛАДИ


06.03.2023   425

  • Одам физиологияси ва ҳаёт фаолияти хавфсизлиги бўйича – кафедра мудири;
  • Экология ва ботаника кафедраси бўйича – 1 та катта ўқитувчи;
  • Кимё кафедраси бўйича – 1 та профессор, 1 та доцент, 1 та катта ўқитувчи, 1 та ўқитувчи;
  • Физика кафедраси бўйича – 1 та доцент; 1 та катта ўқитувчи; 1 та ўқитувчи;
  • Математика кафедраси бўйича – 1 та катта ўқитувчи, 1 та ўқитувчи;
  • Жаҳон тарихи кафедраси бўйича – 1 та катта ўқитувчи;
  • Ўзбекистон тарихи кафедраси бўйича – 1 та катта ўқитувчи, 1 та ўқитувчи;
  • Фуқаролик жамияти кафедраси бўйича – кафедра мудири;
  • Фалсафа кафедраси бўйича – кафедра мудири, 1 катта ўқитувчи;
  • Жисмоний маданият назарияси ва методикаси – кафедра мудири;
  • Умумий психология кафедраси бўйича – 1 та катта ўқитувчи;
  • Умумий педагогика кафедраси бўйича – 1 та катта ўқитувчи;
  • Иқтисодиёт кафедраси бўйича – 1 та катта ўқитувчи, 1 та ўқитувчи;
  • Бошланғич таълим методикаси – 1 та каттаўқитувчи, 1 та ўқитувчи;
  • Ўзбек адабиётшунослиги кафедраси бўйича – 1 та каттаўқитувчи;
  • Ўзбек тили ва адабиёти кафедраси бўйича – 1 та катта ўқитувчи;
  • Ўзбек тилшунослиги кафедраси бўйича – 1 та катта ўқитувчи;
  • Факультетлараро чет тиллар (аниқ ва табиий фанлар) кафедраси бўйича – кафедра мудири.

Кафедра мудири лавозимини эгаллаш учун танловда профессор ёки доцент илмий унвонига, фан номзоди, фалсафа доктори (PhD), фан доктори (Doctor of Science) илмий даражасига, шунингдек хорижий мамлакатларнинг тегишли мутахассислик бўйича уларга тенглаштирилган бошқа илмий даражаларига эга бўлган шахс иштирок этиши мумкин.

Доцент лавозимини эгаллаш учун танловда, қоидага кўра, доцент илмий унвонига, катта илмий ходим ёки фан номзоди, фалсафа доктори (PhD), фан доктори ёки фан доктори (Doctor of Science) илмий даражасига, шунингдек хорижий мамлакатларнинг тегишли мутахассислик бўйича уларга тенглаштирилган бошқа илмий даражаларига эга бўлган шахс иштирок этиши мумкин.

Катта ўқитувчи лавозимини эгаллаш учун танловда олий маълумотга эга бўлган шахс (магистр, дипломли мутахассис), шунингдек илмий даража (шу жумладан, фан номзоди, тегишли мутахассислик бўйича хорижий мамлакатларнинг фалсафа доктори (PhD) даражасига ёки унга тенглаштирилган бошқа илмий даражаларига) ва илмий унвонга эга бўлган ҳамда бундай даража ва унвонга эга бўлмаган, бироқ ўқитувчилик, илмий-тадқиқот ва ишлаб чиқариш ишлари тажрибасига эга бўлган шахслар ҳам қатнашиши мумкин.

Ўқитувчи (ассистент) ўқитувчи-стажёр лавозимини эгаллаш учун танловда тегишли мутахассислик бўйича олий маълумотга эга бўлган шахс (магистр, дипломли мутахассис) қатнашиши мумкин.

Танловда иштирок этишни хоҳлаганлар ректор номига ариза билан кадрларни ҳисобга олиш бўйича шахсий варақа, дипломлар ва аттестат­лар нусхалари, илмий ишлар ва ихтиролар рўйхати, малака оширганлик тўғрисидаги ҳужжатлар нусхаларини топширадилар.

Аризалар эълон чиққан кундан бошлаб бир ой муддатда қабул қилинади.

Манзил: Андижон шаҳри Университет кўчаси, 129-уй, 303-хона.

Эслатма: Мазкур олий таълим муассасасида ишловчи шахслар ўтган муддат бўйича кафедрада ҳисобот берадилар, четдан танловда иштирок этувчилар синов дарсларини ўтказадилар.